As estacións (季節)
Cando os galegos preguntamos a alguén de fóra de Galicia como é o seu país, normalmente facemos preguntas sobre a lingua, a comida, os costumes relixiosos, os medios de transporte ou o traballo. Pódenos sorprender que un xaponés nos pregunte: «No teu país hai 4 estacións?». Aínda que a nosa resposta automática sexa «Faltaría máis, por supostísimo que en Galicia temos 4 estacións», a verdade é que os nosos cambios climatolóxicos e de paisaxe entre estacións non son tan salientables como os nipones.
Dende a nosa asociación imos propoñer unha serie de actividades anuais relacionadas coas diferentes estacións, a súa climatoloxía, os festivais e, o máis importante, as relacións que atopamos entre ambas culturas.
As estacións
冬 (Fuyu) Inverno:
No inverno no Xapón, os días son
curtos e apenas chove.
A presenza dunha corrente de ar frío siberiana fai
que neve acotío, aínda nas costas do Mar do Xapón. Na costa do Pacífico os días son fríos e soleados. En xaneiro podemos ter temperaturas de 0 ºC en Tokyo ou de -4 ºC en Sapporo. Entre as festividades con máis sona está o aninovo, chamado Oshogatsu (お正月), que abrangue as festas de despedida de ano e de benvida de ano,
das que xa falaremos en futuras entradas.
![](https://blogger.googleusercontent.com/img/b/R29vZ2xl/AVvXsEiufkxUMzthRPnwmiRJOlIsoF-IvZi5NBLHkIksaz179ZRhTFOQsUw6N01TpBNd4fssvK9B46A2aB41JnjpaLNbZWNA2WpMB1oPk1XSoRWZLqXjZqENAXIkvktUenaZmnSc11xuXCvZI90/s200/20100112070016.jpg)
春 (Haru) Primavera:
![](https://blogger.googleusercontent.com/img/b/R29vZ2xl/AVvXsEhkhZog3gv7jzJgH3wFCnOVbFfTIX0pKf4lBHcWLrE0mjJQ_rfzdQxtw4gIDXWZI6QyiLSwmfJ3EDsWLCBHrjUtN66YMWOeFUlB9iHZrvCpzw9yujXLU7KOQ5pmhK39NKaUh0dT1gDwsiE/s200/hanami5.jpg)
A paisaxe transfórmase de oeste a leste de forma paulatina acompañada pola gradual subida das temperaturas. Celébranse festas como a Hina Matsuri (ひな祭り), Omizutori, Sagicho Matsuri...
夏(Natsu) Verán:
![](https://blogger.googleusercontent.com/img/b/R29vZ2xl/AVvXsEjansRj4iVUH4tngw6yUz8ooNv4mHKml-EVZ0s7kEvGOlx659Jvvm97MSHprRl2imZgK4DLdlvPwVCHQNmq9xr8M3sH2QQrgaXHL7kv8taVdF7bWuSgYaSJNZnAhKpAOIFjL_FNvop_-h8/s200/tanabata-tanzaku-001-tn.jpg)
A temporada de choivas chámase Tsuyu (梅雨) e é o resultado da colisión de dúas frontes, unha de ar tropical e outra de ar polar. No oeste alcánzanse temperaturas de ata 35 ºC, mais a sensación térmica por causa da humidade e moito maior. Nesta estación é cando se celebran festas como a Tanabata (七夕), entre outras.
秋 (Aki) Outuno:
![](https://blogger.googleusercontent.com/img/b/R29vZ2xl/AVvXsEhMLjX91yEEvDf_QkWyFy_bQFdPAFYvDhG8cCoZRCmp7BnSMVIRr-9DlmDwq8BnYsCKOWk6-Fo1aoxJpw_FsfBFt1VFBzQe4w7nBCRkw-xf2COT9hN_AcGFUymSeDCrhhos4eg4Vqr5lmE/s200/15_koyo01.jpg)
Comentarios
Publicar un comentario